მონოპოლია ინტერნეტში - რატომ დააჯარიმეს Google

ცოტა ხნის წინ საფრანგეთის სასამართლომ Google-ს 500 000 ევროს გადახდა დააკისრა. სასამართლომ განმარტა, რომ კომპანიამ ბოროტად გამოიყენა მისი დომინანტური პოზიცია ბაზარზე. ფრანგული, ისევე როგორც ევროკავშირის ანტიმონოპოლიური კანონმდებლობა (ეს უკანასკნელი სავალდებულოა ყველა წევრი ქვეყნისათვის), კრძალავს ბაზარზე დომინანტური მდგომარეობის ბოროტად გამოყენებას, რაც გამოიხატება, inter alia, პროდუქციაზე ისეთი ფასების დაწესებით, რომელიც წარმოების ხარჯზე დაბალია. კონკურენციის სამართალში ამას ეწოდება predatory pricing და იგი დაიშვება მცირე ხნით განსაკუთრებულ შემთხვევებში (პრომო აქცია, სხვ.) და იმ პირობით, რომ იგი იქნება არამრავალჯერადი, ხანმოკლე და მომხმარებლის უფლებებზე ორიენტირებული. ამასთან ასეთი ქმედება გამართლებული უნდა იყოს იმით, რომ სხვა რაიმე საშუალებით დასახული მიზანი ვერ იქნებოდა მიღწეული.

Google-ის შემთხვევაში საკითხი ეხებოდა ამ უკანასკნელის მიერ მომხმარებლისათვის შეთავაზებულ პაკეტს, რომელიც მოიცავდა რუქებსა და მასთასნ დაკავშირებულ სერვისებს უფასოდ. სარჩელი მცირე ფრანგული კარტოგრაფიული კომპანიის მიერ იყო წარდგენილი. აღსანიშნავია, რომ იგივე სახის სარჩელი არ დააკმაყოფილა გერმანიის სასამართლომ გასული წლის აპრილში.

რატომ არის აღნიშნული საქმე მნიშვნელოვანი?

1. თუ კომპანია მომხმარებელს უფასო კარტოგრაფიულ სერვისს სთავაზობს, არის თუ არა ასეთი ქმედება მომხმარებლის ინტერესებში? ბუნებრივია არის, მაგრამ საქმე იმაშია, რომ ასეთი მოქმედება ეწინააღმდეგება კონკურენციის წესებს, რომლის ამოსავალი წერტილი არის ბაზრის თავისუფლება და კონკურენციის შენარჩუნება, რაც კონკურენციის სამართლის მიხედვით უფრო მეტი საზოგადოებრივი სიკეთეა ვიდრე დემპინგური ფასებით მომხმარებლის კმაყოფილება.

2. როგორც ვხედავთ, ელექტრონულმა კომერციამ ბაზრიდან პრაქტიკულად გამოდევნა ან მაქსიმალურად შეავიწროვა ბეჭდვითი კომპანია. ეს ნიშნავს, რომ ბეჭდვითი, საგამომცემლო ბიზნესის წარმოების მომავალი ელექტრონული, ციფრულ მეთოდით უფრო მომგებიანი ხდება და შესაბამისად ასეთი კომპანიები იკავებენ სხვების ადგილს და მოიპოვებენ დომინანტურ პოზიციას.

სრული სტატიაhttp://www.e-comlaw.com/e-commerce-law-reports/article_template.asp?Contents=Yes&from=eclr&ID=795